టీమిండియా కొత్త కెప్టెన్ శ్రేయ‌స్ అయ్య‌ర్..?

టీమ్ ఇండియా వైట్‌బాల్ క్రికెట్‌లో భారీ మార్పులకు బీసీసీఐ సిద్ధమవుతున్నట్లు సమాచారం. టీ20లు, వన్డేలకు వేర్వేరు కెప్టెన్ల బదులు ఒకే కెప్టెన్‌ను నియమించాలని బోర్డు భావిస్తోందని వార్తలు వస్తున్నాయి. ఈ రేసులో ప్రస్తుతం Shreyas Iyer ముందంజలో ఉన్నాడని నివేదికలు చెబుతున్నాయి.
ఐపీఎల్ 2026లో శ్రేయస్ అయ్యర్ అద్భుత నాయకత్వం ప్రదర్శించడం సెలెక్టర్లను ఆకట్టుకున్నట్లు తెలుస్తోంది. అజిత్ అగార్కర్ నేతృత్వంలోని సెలెక్షన్ కమిటీ అతనిని మళ్లీ టీ20 జట్టులోకి తీసుకురావడమే కాకుండా, భవిష్యత్ వైట్‌బాల్ కెప్టెన్‌గా కూడా పరిశీలిస్తోందని సమాచారం.
ప్రస్తుతం టీ20 జట్టుకు Suryakumar Yadav, వన్డేలకు Shubman Gill నాయకత్వం వహిస్తున్నారు. అయితే సూర్యకుమార్ ఫామ్ సమస్యలు, అలాగే భవిష్యత్‌ను దృష్టిలో పెట్టుకుని బీసీసీఐ ఒకే నాయకుడితో ముందుకు వెళ్లాలని చూస్తోందని కథనాలు పేర్కొన్నాయి.
బీసీసీఐ వర్గాలు NDTVతో మాట్లాడుతూ,
“కొత్త టీ20 జట్టు ప్రకటించినప్పుడు కొన్ని మార్పులు కనిపిస్తాయి. టీ20, వన్డేలకు ఒకే కెప్టెన్ ఉండాలని మేము కోరుకుంటున్నాం. యువ ఆటగాళ్లతో పాటు అనుభవజ్ఞులకు కూడా అవకాశాలు ఇవ్వాలనుకుంటున్నాం. శ్రేయస్ గత కొన్నేళ్లుగా అద్భుతంగా ఆడుతున్నాడు,” అని తెలిపినట్లు నివేదిక పేర్కొంది.
ఇక Shreyas Iyer ఇప్పటికే ఐపీఎల్‌లో పలు జట్లకు కెప్టెన్‌గా వ్యవహరించి మంచి నాయకత్వ నైపుణ్యాలు చూపించాడు. అతని స్థిరమైన బ్యాటింగ్, ఒత్తిడిలో నిర్ణయాలు తీసుకునే తీరు బీసీసీఐని ఆకట్టుకున్నట్లు సమాచారం.